Warning: "continue" targeting switch is equivalent to "break". Did you mean to use "continue 2"? in /home/muyeres/public_html/wp-content/plugins/gravityforms/common.php on line 593

Warning: "continue" targeting switch is equivalent to "break". Did you mean to use "continue 2"? in /home/muyeres/public_html/wp-content/plugins/gravityforms/common.php on line 2640

Warning: "continue" targeting switch is equivalent to "break". Did you mean to use "continue 2"? in /home/muyeres/public_html/wp-content/plugins/gravityforms/common.php on line 2652
LA REVOLVER | Muyeres - Música tradicional de Asturias

LA REVOLVER

LA REVOLVER

Llamábenla “La revólver”. Dicíen d'ella que yera peligrosa, descarada y rápida como un revólver americanu.

Dende neña llamó l'atención pola so guapura; una prieta melena rizada y unos enormes güeyos verdes, que paecíen taramiar tolo que miraben.
Tina, qu'asina yera'l so nome, entamó a trabayar mui neña nel chigre de so tía y ya dende bien ceo, diose cuenta qu'esa guapura yera un arma infalible pa escapar de la fame.
Usábala cuando-y petaba y con total llibertá.
Asina, ente pinta y pinta de vinu, Tina dexábase querer polos homes que tolos díes averábense hasta'l chigre.
Nada del otru mundiu y ensín maldá, una sonrisa, dalgún xestu cariñosu, una pequeña charra y poco más.
Pero húbolos necios y dalgún encaprichose della ofreciéndo-y la lluna en forma de paguina a cambiu de cama.
Tina xiblaba boleros de Machín y facía oyíos sordos. Riíase con xeitu y ponía una pinta tres d'otra; facer caxa yera l'oxetivu de tolos díes.
La cama, compartíala con quien a ella-y daba la gana.
Pero la xente necio ye rencoroso y dalgunos empecipiaron a falar y nun precisamente bien.
Con eses mentires foron creando'l personaxe de “La revólver”.
A la fin, namorose d'un bon home que tratábala col respetu que merecía.
Dió-y entós una patada a aquel chigre de mala muerte y a los que lo habitaben.
Marchó del pueblu pa nun volver enxamás, pa casase con quien ella quixo y poner un negociu nun pueblín cola mar al fondu y la lluz del sur.
Punxo-y de nome “Café Llibertá” y lo primeru que mercó coles perres que ganó, foi un revólver americanu, pa tenelu a la mano por si un babosu entraba a pidir un vinín y miraba-y pal escote.
Llibre y valiente, Tina nin foi puta nin cobarde.

Testu: Borja Roces
Lletra y música: Alfredo González