Pinky, el cantar que forma parte del nuevu proyectu "HUMANES".

Elizabeth Jane Cochran, nació en Pensilvania’l 5 de mayu de 1864. De pequeña llamábenla “Pinky”, porque so madre vistíala cuasi siempres de color rosa.

Zulima, nunca tuvo'l valor de reprocha-y a so padre que la hubiera separtao de los sos hermanos, ni que se hubiera casao dempués de enviudar, con so tía… nunca tuvo fuercies pa dir a buscalos.

Llamábenla “La revólver”. Dicíen d'ella que yera peligrosa, descarada y rápida como un revólver americanu.

Dende neña llamó l'atención pola so guapura; una prieta melena rizada y unos enormes güeyos verdes, que paecíen taramiar tolo que miraben.

De nun nacer naquel día y naquella época, Fani igual siguía viva. Pero ún naz porque sí y onde seya. Si nun llega a ser guapa, intelixente y sensible, si nun llega a naguar pola llibertá, si nun llega a ver que’l mundu empecipiaba y acababa onde los privilexos d’una clase acaben, igual siguía viva. Pero ella yá taba marcada dende neña: Estefanía, Fani... non María, o Manuela o Bárbara, como se llamaben
les otres, Fani.

Yeren les doce del mediudía; hora de misa de domingu. Tola vecindá foi a la vieya ilesia sabiendo qu’aquella mañana habría pasar a la historia del pueblu, porque lo que diben ver los sos güeyos nunca nun se podría escaecer.

¡Me!, si yo-y cuntara, Don Federico… Mio güela… mio güela siempre fizo lo que-y vieno en gana y ¡mire! que nun sabía escribir, pero acabó faciendo una escuela, la primera que se fizo per ellí.